ჯოზეფ ბორელი - უკრაინა და მოლდოვა კანდიდატის სტატუსს იმ გაგებით მიიღებენ, რომ არის ზოგიერთი პირობა, რომელიც შესრულდება, საქართველოსთვის ასევე იქნება მკაფიო გზა ევროკავშირისკენ

უკრაინა და მოლდოვა კანდიდატის სტატუსს იმ გაგებით მიიღებენ, რომ არის ზოგიერთი პირობა, რომელიც შესრულდება. საქართველოსთვის ასევე იქნება მკაფიო გზა ევროკავშირისკენ - ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა და ევროკომისიის ვიცე-პრეზიდენტმა ჯოზეფ ბორელმა განაცხადა.

„დღეს დილით ევროპული საბჭო მუშაობდა დასავლეთ ბალკანეთის საკითხზე. ახლა კი ვისაუბრებთ უკრაინის, მოლდოვისა და საქართველოს წევრობის საკითხზე. უკრაინა და მოლდოვა კანდიდატის სტატუსს იმ გაგებით მიიღებენ, რომ არის ზოგიერთი პირობა, რომელიც შესრულდება. საქართველოსთვის ასევე იქნება მკაფიო გზა ევროკავშირისკენ. ჩვენ ვისაუბრებთ უკრაინაში მიმდინარე ომის შედეგებზე, რომელზეც ძალიან ვწუხვართ“, - დასძინა ბორელმა.

მისივე თქმით, საკვების ფასების და სიმცირის კუთხით, რუსეთი ცდილობს შიმშილის კრიზისის პროვოცირებას. ბორელმა აღნიშნა, რომ ევროკავშირი მხარს უჭერს უკრაინული პორტების განბლოკვის მხრივ გაერო-ს მცდელობას.

საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა მედიასთან პროდუქტების მზარდ ფასებზეც ისაუბრა, რაც, მისი თქმით, განსაკუთრებით აფრიკაში ჩანს. მანვე დასძინა, რომ ეს პრობლემებს შექმნის ბევრ აფრიკულ ქვეყანაში და ევროგაერთიანება ეცდება მათ შეძლებისდაგვარად მხარი დაუჭიროს.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია