მარია ზახაროვა - ევროკომისიის დასკვნა კიევის წარმატების შესახებ ევროკავშირის წევრობის კანდიდატის სტატუსისთვის, თეთრი ძაფით ნაკერია

ევროკომისიის დასკვნა კიევის წარმატების შესახებ ევროკავშირის წევრობის კანდიდატის სტატუსისთვის, თეთრი ძაფით ნაკერია,- ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა.

ზახაროვას თქმით, დოკუმენტის შესაბამისი ნაწილი არის „ევროკავშირის მიერ ადამიანის უფლებების დაცვისა და დემოკრატიის ხელშეწყობის თემის არაპრინციპული, შერჩევითი გამოყენების ნათელი მაგალითი“.

„ბრიუსელისადმი ლოიალურ ქვეყნებს საჩუქრად ეძლევათ პოლიტიკის დაუსჯელად გატარების ინდულგენცია, რომელიც ეწინააღმდეგება ადამიანის უფლებათა საერთაშორისო სტანდარტებს.

ისეთი ქვეყნების მიმართ კი, როგორებიც არიან რუსეთი და ჩინეთი, რომლებიც ახორციელებენ პოლიტიკურ კურსს, რომელიც ეფუძნება ეროვნულ ინტერესებს, ბრიუსელი თანმიმდევრულად იყენებს ზეწოლის მეთოდებს, რომელიც ეწინააღმდეგება საერთაშორისო სამართლის ნორმებს“ , - განაცხადა ზახაროვამ.

მისი თქმით, ბრიუსელი ადამიანის უფლებათა დაცვის თემას ღიად იყენებს სუვერენული სახელმწიფოების შიდა საქმეებში ჩარევისთვის და ცალმხრივი სანქციების გასამართლებლად.

„მიუხედავად თეთრი ძაფით ნაკერი დასკვნისა, კიევის „საკმარისი“ წარმატებების შესახებ ევროკავშირში გაწევრიანების კანდიდატის სტატუსის უზრუნველსაყოფად, დოკუმენტში პირდაპირ არის მითითებული, რომ ადამიანის უფლებათა დაცვის უზრუნველყოფის შესაძლებლობა „შეზღუდული რჩება“ , - აცხადებს ზახაროვა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს