ამერიკული კომპანიები, Cisco Systems და Nike რუსეთის დატოვებას გეგმავენ. Reuters-ის ინფორმაციით, სატელეკომუნიკაციო აღჭურვილობის მწარმოებელი Cisco რუსეთსა და ბელარუსში საქმიანობას მთლიანად შეწყვეტს. იმავეს აცხადებენ სპორტული ტანსაცმლისა და აღჭურვილობის მწარმოებელ კოპანია Nike-შიც.
აღსანიშნავია, რომ Cisco Systems-მა და Nike-მა რუსეთში ბიზნეს ოპერაციები მარტში, უკრაინაში რუსეთის შეჭრის გამო შეაჩერეს. Reuters-ი წერს, რომ ქვეყნიდან ისეთი ტექნოლოგიური კომპანიების გასვლა, როგორიცაა Cisco, IBM და Microsoft, რუსულ ბიზნესსა და ოჯახებს კრიტიკულ ტექნიკასა და აპარატურაზე წვდომას უზღუდავს და მათ, შეიძლება, მოძველებულ ტექნიკასა და ქვეყანაში წარმოებულ ალტერნატივებზე დამოკიდებულება მოუწიოთ.