სევეროდონეცკის ადმინისტრაციის ხელმძღვანელი - უკრაინელ ჯარისკაცებს ქალაქის დასატოვებლად დრო დასჭირდებათ - ლისიჩანსკიდან უკან დახევა არ იგეგმება

უკრაინის შეიარაღებულ ძალებს ქალაქ სევეროდონეცკის დასატოვებლად დრო დასჭირდებათ, - ამის შესახებ სევეროდონეცკის რაიონული ადმინისტრაციის ხელმძღვანელმა, რომან ვლასენკომ განაცხადა.

„ეს არ არის საათის, ან დღის საკითხი, ამას შესაძლოა გარკვეული დრო დასჭირდეს,“- აღნიშნა ვლასენკომ.

ამასთან, რომან ვლასენკომ განმარტა, რომ რუსული ძალები ყველა მიმართულებით ახორციელებენ თავდასხმას.

„შეტევა ყველა მიმართულებით ხდება. რუსები შტურმს ახორციელებენ ლისიჩანსკზე, ბახმუტ-ლისიჩანსკის გზაზე, ასევე სევეროდონეცკსა და მიმდებარე სოფლებზე. ყველგან დაბომბვა ხდება და საომარი მოქმედებები ხორციელდება", - აღნიშნა ვლასენკომ.

მისივე თქმით, ლისიჩანსკიდან უკრაინული ძალების უკან დახევაზე საუბარი ჯერჯერობით არ არის.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო