"ქართული ოცნების" გენერალური მდივნის, კახა კალაძის განცხადებით, ხელისუფლება მზადაა, პოლარიზაციის დასრულებისთვის შემხვედრი ნაბიჯები გადადგას.

მისი თქმით, პოლარიზაციის დასრულება ოპოზიციის პასუხისმგებლობაც არის და ამას მხოლოდ ხელისუფლება ვერ შეძლებს.

"იმ დათქმებში და მოთხოვნებში პირველი პუნქტი არის ძალიან საყურადღებო და ძალიან მნიშვნელოვანი, სადაც პოლარიზების დასრულება წერია. ეს, რა თქმა უნდა, ცალმხრივად შეუძლებელია და მარტო ხელისუფლება ამას ვერ გააკეთებს. ეს არის, რა თქმა უნდა, ოპოზიციის პასუხისმგებლობაც. ჩვენ ჩვენი მხრივ, მზად ვართ, შემხვედრი ნაბიჯები გადავდგათ ისევ და ისევ ჩვენი ქვეყნის ინტერესებიდან გამომდინარე და მინდა მქონდეს იმედი, რომ პოლიტიკური პარტიები თავის ვიწროპარტიულ ინტერესებზე მაღლა ქვეყნის და ზოგადად ამ ქვეყნის მომავალს, ევროპაში ინტეგრაციას და ევროპისკენ სვლას დააყენებენ," - განაცხადა კახა კალაძემ.