ბადრი ჯაფარიძე - ევროკავშირმა ქართველ ხალხს გაუღო კარი, მაგრამ ივანიშვილმა დახურა თავისი მმართველობით - ეს არ არის მმართველობა, რომლითაც შევალთ ევროკავშირში ან მოგვცემენ კანდიდატის სტატუსს

ევროკავშირმა ქართველ ხალხს გაუღო კარი, მაგრამ ივანიშვილმა დახურა თავისი მმართველობით. ეს არ არის მმართველობა, რომლითაც შევალთ ევროკავშირში ან მოგვცემენ კანდიდატის სტატუსს,- ამის შესახებ „ლელოს“ გენერალურმა მდივანმა, ბადრი ჯაფარიძემ აქციაზე „შინ ევროპისკენ“ განაცხადა.

ჯაფარიძის თქმით, მას შემდეგ, რაც შარლ მიშელის შეთანხმება გაუქმდა, მან დაკარგა რწმენა იმისა, რომ ხელისუფლება სერიოზულად განიხილავს მოლაპარაკებებს.

„ევროკავშირმა ქართველ ხალხს გაუღო ევროკავშირის კარი, ეს მინდა ქართველ ხალხს მივულოცო, მაგრამ ივანიშვილმა დახურა მისი დღევანდელი მმართველობით. ეს არ არის მმართველობა, რომლითაც შევალთ ევროკავშირში ან მოგვცემენ კანდიდატის სტატუსს. ამიტომ დღეს, ქართველმა ხალხმა თავისი გულისთქმა უნდა გამოხატოს.

ჩვენ ძალიან ცუდი გამოცდილება გვაქვს, როდესაც მოლაპარაკებების შემდგომ მივაღწიეთ შეთანხმებას „ქართულ ოცნებასთან“, შემდგომ ისინი გამოვიდნენ ამ შეთანხმებიდან, რამაც ძალიან დააზიანა ჩვენი ქვეყანა. ყველა ჩვენი შემდგომი მოწოდება, რომ დაბრუნებულიყვნენ შეთანხმებას, იქნა უგულებელყოფილი და დაგვცინეს. ჩვენ სრულად დავკარგეთ რწმენა იმისა, რომ ისინი სერიოზულად განიხილავენ მოლაპარაკებებს. დაველოდოთ ქართველი საზოგადოების განცხადებას, რომელიც შეკრებილია და შემდგომ ვიმსჯელოთ“, - განაცხადა ჯაფარიძემ.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა