ევროპული საბჭოს პრეზიდენტის, შარლ მიშელის განცხადებით, ,,დიდი შვიდეულის“ ქვეყნები ერთსა და იმავე მიზანს იზიარებენ - შეუწყვიტონ ჟანგბადის მიწოდება რუსულ ომის მანქანას.

ამის შესახებ დიპლომატმა ბავარიაში ,,დიდი შვიდეულის“ სამიტზე გამოსვლისას აღნიშნა.

მისი თქმით, ,, რუსეთის ომმა მსოფლიო საფრთხეში ჩააგდო“ და ამან გავლენა მოახდინა სურსათისა და საწვავის მიწოდებაზე, ფასებსა და უსაფრთხოებაზე.

მიშელის განცხადებით, G7-სა და ევროკავშირს აქვთ "ურყევი ერთიანობა" უკრაინის მხარდასაჭერად და ევროკავშირი გააგრძელებს უკრაინის ფინანსურ, ჰუმანიტარულ და პოლიტიკურ მხარდაჭერას. ამასთან მიშელმა ხაზგასმით აღნიშნა, რომ მზად არის უზრუნველყოს და მეტად დაუჭიროს მხარი უკრაინის აღდგენას.

ევროპული საბჭოს პრეზიდენტის თქმით, ომი ასევე აყალიბებს ევროკავშირს, უკრაინისა და მოლდოვასთვის კანდიდატის სტატუსის მიცემით.

,,ომი ნიშნავს, რომ მსოფლიო შეიცვალა შარშანდელი G7-ის სამიტის შემდეგ კორნუოლში. მსოფლიო გვიყურებს – მოდით მივიღოთ სწორი გადაწყვეტილებები და დავიცვათ საერთაშორისო სამართალი”, - განაცხადა შარლ მიშელმა.