გერმანიაში „დიდი შვიდეულის“ სამიტი მიმდინარეობს

„დიდი შვიდეულის“ რიგით 48-ე სამიტი, რომელსაც გერმანია ხელმძღვანელობს, ბავარიის ალპებში, გარმიშ-პარტენკირხენის რაიონში მდებარე ელმაუს ციხესიმაგრეში დაიწყო.

გერმანიის, ამერიკის შეერთებული შტატების, დიდი ბრიტანეთის, საფრანგეთის, კანადის, იტალიისა და იაპონიის სახელმწიფოთა და მთავრობათა მეთაურების გარდა, სამიტს ესწრებიან ევროკომისიის პრეზიდენტი ურსულა ფონ დერ ლაიენი და ევროპული საბჭოს პრეზიდენტი შარლ მიშელი.

გერმანიის „დიდი შვიდეულის“ თავმჯდომარეობის პროგრამის სლოგანია „პროგრესი სამართლიანი სამყაროსთვის“.

წლის დასაწყისში გამოცხადებული პრიორიტეტებია, ეკონომიკური სტაბილურობა და ტრანსფორმაცია, ჯანსაღი ცხოვრების წესი, უკეთეს მომავალში ინვესტირება, ძლიერი ერთიანობა.

„საერთო ღირებულებებიდან გამომდინარე, ჩვენ გვსურს მკაფიო პოზიცია დავიკავოთ საერთაშორისო კრიზისებში და წამოვიწყოთ ინიციატივები საერთაშორისო თანამეგობრობის რეალიზებისთვის. ჩვენ ენერგიულად დავიცავთ საერთაშორისო სამართლის პატივისცემასა და წესებზე დაფუძნებულ მრავალმხრივ წესრიგს“, - ნათქვამია სამიტის პროგრამაში.

ცნობილია, რომ სამიტის მესამე სესია უსაფრთხო პოლიტიკას დაეთმობა. უკრაინის პრეზიდენტი ვოლოდიმირ ზელენსკი, სავარაუდოდ, შეხვედრას ორშაბათს დილით ვიდეო ჩართვით შეუერთდება.

ვაჟა ბერიძე - სამოქალაქო დაპირისპირება რეალურია, რაშიც ხელისუფლებაც და ოპოზიციაც თანაბრადაა დამნაშავე
პოლიტიკა ბიზნესის წინააღმდეგ ანუ რა არის მთავარი პრობლემა ქართულ ტელემედიაში?!
ქართული პრესის მიმოხილვა 27.03.2023
„ეფეს საქართველოს“ მეწარმეობის პროგრამის პრე-აქსელერატორი დაიწყო
კახა ოქრიაშვილი პრემიერ-მინისტრს ღია წერილით პასუხობს
საქართველოში ამოქმედდა ინიციატივა, რომელიც  უკრაინელ ლტოლვილებს ფინანსებზე წვდომას გაუადვილებს
განაახლე შენი სახლი საგაზაფხულოდ  CashBack-ის და Mastercard-ის  ერთობლივი აქციის დახმარებით
RDYE პროექტის ფარგლებში, რეგიონებში 15 ახალგაზრდული საწარმო დაფინანსდა