უკრაინელმა დამცველებმა სლავიანსკის მიმართულებით მტრის შეტევები მოიგერიეს

სლავიანსკის მიმართულებით უკრაინელმა დამცველებმა დოლინას, კურულკასა და მაზანოვკას დასახლებების ტერიტორიებზე მტრის შეტევა მოიგერიეს, - ამის შესახებ უკრაინის შეიარაღებული ძალების გენერალური შტაბის ანგარიშშია აღნიშნული.

მათივე ცნობით, დონეცკის მიმართულებით მტერი სამხრეთიდან ცდილობს ლისიჩანსკის ბლოკირებას და თავდასხმის მოქმედებების მხარდასაჭერად გააძლიერა საარტილერიო ჯგუფი.

"სლავიანსკის მიმართულებით რუსებმა ცეცხლი გაუხსნეს ნოვაია დმიტროვკას, დიბროვნოეს, ვერნოპოლიეს, ბოლშაია კამიშევახას, დოლინას და როდნოეს დასახლებებს. ჩვენმა ჯარისკაცებმა წარმატებით მოიგერიეს მტრის თავდასხმები დოლინას, კურულკასა და მაზანოვკას რაიონებში,“- აცხადებენ გენერალურ შტაბში.

მათივე ცნობით, რუსებმა ლოსკუტოვკას, ვერხნეკამენკასა და ლისიჩანსკის რაიონებში სამოქალაქო და სამხედრო ინფრასტრუქტურა დაბომბეს. „რაშისტებმა ავიაიერიში ვოლჩეიაროვკასთან ახლოს განხორციელეს. შეტევითი ოპერაციების მხარდასაჭერად ოკუპანტებმა საარტილერიო დაჯგუფება გააძლიერეს,“- აცხადებენ გენშტაბში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს