ლევან დავითაშვილი ევროკომისიის რეკომენდაციებზე - დამატებითი პირობები, რომელიც შინაარსობრივად ერთნაირად განესაზღვრა სამივე ქვეყანას, ჩვენი მხრიდან აუცილებლად შესრულდება

ეკონომიკის მინისტრის, ვიცე-პრემიერ ლევან დავითაშვილის განცხადებით, ევროკომისიის 12-პუნქტიანი პირობა აუცილებლად შესრულდება.

როგორც დავითაშვილმა მთავრობის ადმინისტრაციაში გამართულ პრესკონფერენციაზე განაცხადა, თუ 12- პუნქტიანის გეგმის შესასრულებლად სამუშაო ჯგუფის შექმნა იქნება საჭირო, კოორდინირებულად, მაღალ დონეზე იმართება.

„დამატებითი პირობები, რომელიც შინაარსობრივად ერთნაირად განესაზღვრა სამივე ქვეყანას, ჩვენი მხრიდან აუცილებლად შესრულდება, ამას უხელმძღვანელებს მთავრობის ხელმძღვანელი, თუმცა, ძალიან მნიშვნელოვანია მჭიდრო კომუნიკაცია საქართველოს პარლამენტთან. ძალიან ბევრი რეფორმა გულისხმობს საკანონმდებლო გადაწყვეტილებებს. თუ ფორმაზე ჩამოვყალიბდებით, თუ საჭირო იქნება რაიმე სამუშაო ჯგუფი, ან ფორმალიზება, ამ შემთხვევაში სწორად კოორდინაცია გვექნება და მაღალ დონეზე მართვა, რომელსაც მთავრობის ხელმძღვანელი გაუძღვება“,- აღნიშნავს დავითაშვილი.

როგორც დავითაშვილი განმარტავს, საქართველოში ევროპისმაგვარი პოლიტიკა უნდა გვქონდეს. მისივე თქმით, ასოცირებით განსაზღვრული პირობების და ინდიკატორების შესრულების კუთხით, საქართველო პირველ ადგილზეა.

„ასოცირების ხელშეკრულებას ძალიან მნიშვნელოვანი თავისუფალი ვაჭრობის შეთანხმება მოჰყვა, რომელიც კომპლექსური დოკუმენტია. ბევრ მიმართულებას მოიცავს, საზოგადოებრივი ცხოვრების და ეკონომიკის ყველა სფეროს ფარავს. ძალიან მნიშვნელოვანი დღის წესრიგია, რომელიც გულისხმობს საქართველოს კანონმდებლობის, ქართული პოლიტიკის დაახლოებას ევროპულთან. ფაქტობრივად, საქართველოში პოლიტიკა უნდა გვქონდეს ევროპისმაგვარი, რათა ევროპისმაგვარი ცხოვრების სტანდარტი შევქმნათ.

საქართველო დღესაც პიონერი რჩება ვალდებულებების შესრულების კუთხით. ასოცირებით განსაზღვრული პირობების და ინდიკატორების შესრულების კუთხით, საქართველო პირველ ადგილზეა. საქართველოში რეფორმები თანმიმდევრულად ხორციელდება და ეს გაგრძელდება“,- აღნიშნავს დავითაშვილი.

ალექსანდრე თვალჭრელიძე - პრეზიდენტი მართალია, ნებისმიერი ეროვნული მასშტაბის პროცესში პასუხისმგებლობის ლომის წილი მმართველ ძალას ეკისრება მიუხედავად იმისა, მართალია იგი ამ მომენტში თუ მტყუანი
დიმიტრი შველიძე - ოპოზიციამ ვერ მოძებნა სამოქმედო, ვერც ფორმულა და ვერც ლოზუნგი
ქართული პრესის მიმოხილვა 30.03.2023
ლიბერთი განათლებისთვის - ლიბერთის მხარდაჭერით „ევროპის უნივერსიტეტმა“ მოსწავლეთა ინფორმატიკის საერთაშორისო ოლიმპიადას უმასპინძლა
„ტოიოტა კავკასიამ“ ბრენდის ორი უახლესი მოდელი - 2023 წლის Toyota Corolla და სრულიად ახალი Toyota Corolla Cross წარადგინა
ბაზისბანკის მხარდაჭერით, კოლოსი დიღომი მრავალფუნქციურ საცხოვრებელ კომპლექსს აშენებს
გაიგე რომელ მედიკამენტებზე მიიღებ უკეთეს ფასებს დღეიდან