დნიპროპეტროვსკის გუბერნატორის ვალენტინ რეზნიჩენკოს განცხადებით, რუსეთმა რეგიონში ექვსი რაკეტით თავდასხმა განახორციელა. აღნიშნულის შესახებ მან „ტელეგრამის“ საკუთარ არხზე განაცხადა.

„მტრის მასობრივი თავდასხმა დნიპროპეტროვსკის რეგიონზე. ექვსი რაკეტა!!!“, - აღნიშნა მან „ტელეგრამზე“.

მისი თქმით, უკრაინულმა მხარემ სამი რუსული რაკეტა გაანადგურა დნეპრისა და სინელნიკოვსკის რაიონებში.

დნეპრში რუსული თავდასხმის შედეგად, სარკინიგზო ინფრასტრუქტურა და სამრეწველო საწარმო განადგურდა.

როგორც დნიპროპეტროვსკის გუბერნატორმა განაცხადა, ცეცხლი გაუჩნდა ერთ-ერთ კომპანიასაც. შემთხვევის ადგილზე მაშველები მუშაობენ, რომლებიც ნანგრევების ქვეშ ადამიანებს ეძებენ. სინელნიკოვსკის რაიონში ნგრევის მასშტაბები ზუსტდება.