შოტლანდიაში შეთავაზებით გამოდიან, დიდი ბრიტანეთისგან დამოუკიდებლობის შესახებ მორიგი რეფერენდუმი 2023 წელს გაიმართოს

შოტლანდიის პირველი მინისტრი ნიკოლა სტარჯონი შეთავაზებით გამოვიდა დიდი ბრიტანეთისგან დამოუკიდებლობის შესახებ მორიგი რეფერენდუმი 2023 წლის 19 ოქტომბერს გაიმართოს.

სტარჯონის თქმით, კითხვა იგივე იქნება, რაც 2014 წელს გამართულ რეფერენდუმზე: „უნდა იყოს თუ არა შოტლანდია დამოუკიდებელი ქვეყანა?“. კენჭისყრის გამართვასთან დაკავშირებით, შოტლანდიის პირველმა მინისტრმა ოფიციალური თანხმობისთვის წერილობით მიმართა პრემიერ-მინისტრ ბორის ჯონსონს.

დიდი ბრიტანეთის მთავრობამ განაცხადა, რომ განიხილავს პირველი მინისტრის წინადადებებს, მაგრამ ხაზგასმით აღნიშნა, რომ მისი პოზიცია იმის შესახებ, რომ „ახლა არ არის დრო“ მორიგი რეფერენდუმის ჩატარებისთვის, არ შეცვლილა.

„ჩვენ ამას ძალიან ფრთხილად შევისწავლით და სათანადოდ ვუპასუხებთ. მე ვფიქრობ, რომ ქვეყნის ფოკუსი უნდა იყოს ძლიერი ეკონომიკის მშენებლობა. ეს არის ის, რასაც ჩვენ ვაკეთებთ. მე რა თქმა უნდა ვფიქრობ, რომ გვექნება უფრო ძლიერი ეკონომიკა და უფრო ძლიერი ქვეყანა ერთად“- განაცხადა ჯონსონმა.

როგორც სტარჯონმა აღნიშნა, ნებისმიერი რეფერენდუმი უნდა იყოს "უდავოდ კანონიერი" და კონსტიტუციური.

მედიის ცნობით, გაერთიანებული სამეფოს უზენაეს სასამართლოს მოუწევს გადაწყვიტოს, აქვს თუ არა შოტლანდიის მთავრობას უფლებამოსილება, ჩაატაროს რეფერენდუმი დიდი ბრიტანეთის მთავრობის თანხმობის გარეშე.

ვიტალი ბალა - კიევისთვის უკრაინა-რუსეთის ომში ჩინეთის მოდერატორობა მიუღებელია
ქართული პრესის მიმოხილვა 20.03.2023
ლევან ლორთქიფანიძე - აშკარაა, რომ „ქართული ოცნება“ კონსერვატიულად და ევროსკეპტიკურად განწყობილი ამომრჩევლის ხარჯზე აპირებს მომავალ არჩევნებზე წარმატების მოპოვებას
ჯანმოს ახალ ინიციატივებს ჯანდაცვის ექსპერტები აკრიტიკებენ
პირველად საქართველოში, ბაზისბანკმა, სუბორდინირებული კორპორატიული სავალო ფასიანი ქაღალდი წარმატებით განათავსა
Bolt და Visa-ს ერთობლივი კამპანია დაიწყო
TNET-მა საქართველოში პირველი Super app წარადგინა
Golden Tulip Design Tbilisi საქართველოში პირველი სასტუმროა, რომელიც NFT პლატფორმაზე იქნება წარმოდგენილი
საქართველოში სრულიად ახალი კონცეფციის მქონე დეველოპერული კომპანია შეიქმნა
Apple-მა თვალისმომჭრელ ყვითელ ფერში ახალი iPhone 14 და iPhone 14 Plus-ი წარმოადგინა