ნატო-ს გენერალური მდივნის, იენს სტოლტენბერგის განცხადებით, შვედეთისა და ფინეთის ალიანსში გაწევრიანების სწრაფ რატიფიცირებას ელის. ამის შესახებ სტოლტენბერგმა ნატო-ს სამიტის მე-2 დღის დაწყებამდე ჟურნალისტებს განუცხადა.

მისივე თქმით, შვედეთისა და ფინეთის ალიანსში გაწევრიანების პროცესში მოკავშირეები მზად არიან, რომ აღნიშნული პროცესი რაც შეიძლება მალე მოხდეს.

„ჩვენ, სამიტზე მივიღებთ გადაწყვეტილებას, რომ შვედეთი და ფინეთი მოვიწვიოთ, რათა გახდნენ წევრები, ეს უპრეცედენტოდ სწრაფი ქმედებაა. მოწვევის შემდეგ, ჩვენ გვჭირდება რატიფიკაციის პროცესი 30 პარლამენტში. ამას ყოველთვის გარკვეული დრო სჭირდება, მაგრამ მე ასევე ველი, რომ ეს პროცესი სწრაფად წავა, რადგან მოკავშირეები მზად არიან სცადონ, რომ რატიფიკაციის პროცესი რაც შეიძლება მალე მოხდეს“, - განაცხადა სტოლტენბერგმა.

შეგახსენებთ, 28 ივნისს, თურქეთი დათანხმდა, რომ ფინეთისა და შვედეთის ნატო-ს სამხედრო ალიანსში გაწევრიანების პროცესს მხარი დაუჭიროს.