მესამე პრეზიდენტის ადვოკატის, შოთა თუთბერიძის განცხადებით, მიხეილ სააკაშვილი წუხს იმ პრობლემებზე, რომელიც საქართველოს წინაშე ამჟამად არის. მისი თქმით, სააკაშვილი მიიჩნევს, რომ ქართველი ხალხი არ იმსახურებს ხელისუფლების შეცდომებისთვის ფასის გადახდას.

ადვოკატის განცხადებით, უცნობია დაესწრება თუ არა ყოფილი პრეზიდენტი 11 ივლისს ჩანიშნულ სასამართლო პროცესს.

“მესამე პრეზიდენტის ჯანმრთელობის მდგომარეობა, კვლავაც უცვლელია. ჩვენ ვემზადებით სასამართლო პროცესებისთვის, შემდეგი პროცესი დანიშნულია 11 ივლისს. პრეზიდენტი ძალიან წუხს იმ პრობლემებზე, რომელიც საქართველოს ამჟამად აქვს შექმნილი, რაც ხელისუფლების კრიმინალური ქმედებების გამო არის შექმნილი და მიიჩნევს, რომ ქართველი ხალხი არ იმსახურებს ამ შეცდომებისთვის ფასის გადახდას. მას აქვს სურვილი დაესწროს და მიიღოს მონაწილეობა ყველა იმ პროცესში, რომელიც იმართება მის წინააღმდეგ. თუ რამდენად შეძლებს პროცესზე დასწრებას, გადაწყდება რამდენიმე დღით ადრე”,- განაცხადა თუთბერიძემ.