უკრაინამ სირიასთან დიპლომატიური ურთიერთობები გაწყვიტა. ამის შესახებ უკრაინის პრეზიდენტმა ვოლოდიმირ ზელენსკიმ გამოაცხადა.

უკრაინის პირველმა პირმა აღნიშნულის მიზეზად ოფიციალური დამასკოს მიერ დონეცკისა და ლუგანსკის თვითგამოცხადებული რესპუბლიკების ე.წ დამოუკიდებლობის აღიარება დაასახელა.

რუსეთის შემდეგ სირია მეორე ქვეყანაა, რომელმაც უკრაინის სეპარატისტული რეგიონები „დამოუკიდებლად“ აღიარა.