აშშ-ის პრეზიდენტ ჯო ბაიდენის განცხადებით, აშშ უკრაინას დამატებით 800 მილიონი დოლარით დაეხმარება. ამის შესახებ აშშ-ის პრეზიდენტმა ნატო-ს მადრიდის სამიტის დასკვნით დღეს ჟურნალისტებთან საუბრისას განაცხადა.

მისი თქმით, დახმარება უახლოეს დღეებში იქნება ასახული და იგი მოიცავს ახალ, დასავლურ საჰაერო თავდაცვის სისტემებს, რადარის სისტემებსა, დამატებით საბრძოლო მასალებს, HIMARS-ს.

როგორც ბაიდენმა აღნიშნა, აშშ-მა 7 მილიარდი დოლარის ღირებულების თავდაცვითი დახმარებით უკრაინა უკვე მოამარაგა.

„ეს არის უკრაინის დასახმარებლად გლობალური ძალისხმევა“, - განაცხადა ბაიდენმა და დასძინა, რომ ის უკრაინას იმდენ ხანს დაეხმარება, ვიდრე ეს იქნება საჭირო.

„არ ვიცი როგორ დასრულდება ეს, მაგრამ რუსეთის მიერ უკრაინის დამარცხებით არ დასრულდება“, - დასძინა ბაიდენმა.