იენს სტოლტენბერგი - პუტინმა დიდი შეცდომა დაუშვა უკრაინისა და ნატო-ს შესაძლებლობების შეფასებისას - მას ნაკლები ნატო სურდა და რასაც ახლა იღებს, არის მეტი ნატო

ნატო-ს გენერალური მდივნის იენს სტოლტენბერგის განცხადებით, რუსეთის პრეზიდენტმა უკრაინის წინააღმდეგობა და ნატო-ს სამხედრო ალიანსის ერთიანობა ვერ შეაფასა. ამის შესახებ მან CNN-თან ინტერვიუში განაცხადა.

„მან [პუტინმა] დიდი შეცდომა დაუშვა და სრულიად ვერ შეაფასა უკრაინის შეიარაღებული ძალების სიძლიერე, უკრაინელი ხელმძღვანელობისა და უკრაინელი ხალხის გამბედაობა, ასევე მან ვერ შეაფასა ნატო-ს და პარტნიორების ერთიანობა უკრაინის მხარდაჭერის საკითხში“, - განუცხადა სტოლტენბერგმა CNN-ს.

ნატო-ს მადრიდის სამიტზე საუბრისას სტოლტენბერგმა განაცხადა, რომ პუტინმა ვერ მიაღწია მიზნებს, როდესაც საქმე ნატო-ს ალიანსის დასუსტებას ეხებოდა.

„ამ ომის დასაწყისში მისი ერთ-ერთი მთავარი გზავნილი იყო ის, რომ მას ნაკლები ნატო სურდა. ის, რასაც ახლა იღებს, არის მეტი ნატო, ორი ახალი წევრით, მათ შორის ფინეთით, რომელსაც აქვს საზღვარი რუსეთთან,“, - განუცხადა მან ამანპურს.

სტოლტენბერგის თქმით, ის უგულებელყოფს პუტინის რიტორიკას და მას ქმედებებზე დაყრდნობით შეაფასებს.

„ის რასაც ის აკეთებს უკრაინაში არის საერთაშორისო სამართლის სასტიკი დარღვევა. ეს არის ომი, რომელსაც მოჰყვა უამრავი მშვიდობიანი მოქალაქე მსხვერპლად და უზარმაზარი დანაკარგები“, - აღნიშნა სტოლტენბერგმა.

მისი თქმით, მადრიდში ნატო-ს სამიტზე მიღწევები სამხედრო ალიანსის "გამარჯვებაა".

„ნატო-ს გამარჯვებაა ის, რომ ჩვენ კიდევ ერთხელ ვაჩვენეთ ჩვენი ერთიანობა და ცვლილების უნარი, ადაპტირება მაშინ, როცა სამყარო იცვლება. ჩვენ ვცხოვრობთ სამყაროში, სადაც ვხედავთ ძალის სასტიკ გამოყენებას ნატო-ს ახლო მეზობლის, ნატო-ს ახლო პარტნიორის მიმართ უკრაინაში, და სწორედ ამიტომ ჩვენ მნიშვნელოვნად გავძლიერდით და გავაძლიერებთ ჩვენს ყოფნას აღმოსავლეთ ნაწილში“, - დასძინა მან.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024