„ქართული ოცნების“ თავმჯდომარის ირაკლი კობახიძის განცხადებით, ოპოზიცია პოლარიზაციის გაღვივებას ცდილობს, თუმცა, მათი რესურსები უკიდურესად არის შეზღუდული.
მან ამ განცხადებით 3 ივლისს დაანონსებული აქცია შეაფასა და აღნიშნა, რომ ოპოზიცია იმ რეკომენდაციის წინააღმდეგ მოქმედებს, რომელიც ევროკომისიამ წარმოადგინა.
„მათ არავითარი რესურსი არ აქვთ, რა თქმა უნდა, ისინი პოლარიზაციის გაღვივებას ეცდებიან. პირველივე წუთებიდან მიდიან პირველივე რეკომენდაციის წინააღმდეგ, რომელიც ევროკომისიამ წარმოგვიდგინა, თუმცა, მათ არავითარი რესურსი არ აქვთ, რომ კიდევ უფრო მეტად გაღვივონ პოლარიზაცია ქართულ პოლიტიკაში. ამას ეცდებიან, თუმცა, მათი რესურსები უკიდურესად არის შეზღუდული, ეს არის და ეს“, - განაცხადა კობახიძემ.
