მე ნამდვილად ვფიქრობ, რომ ევროპული უსაფრთხოების არქიტექტურა ჩამოინგრა. ეს არის ახალი ვითარება, ახალი ტიპის რკინის კედელი რუსეთსა და სხვა ქვეყნებს შორის, - ამის შესახებ ფინეთის საგარეო საქმეთა მინისტრმა პეკა ჰაავისტომ CNN-თან მიცემულ ინტერვიუში განაცხადა.

მისი თქმით, ეს არის ახალი რეალობა.

„მე ნამდვილად ვფიქრობ, რომ ევროპული უსაფრთხოების არქიტექტურა ჩამოინგრა. ეს არის ახალი ვითარება, ახალი ტიპის რკინის კედელი რუსეთსა და სხვა ქვეყნებს შორის და რა თქმა უნდა, ეს ეფუძნება რუსეთის აგრესიას, მის მეზობელ უკრაინის წინააღმდეგ", - განაცხადა ჰაავისტომ.

ჰაავისტომ აღნიშნა, რომ უკრაინაში რუსეთის შეჭრამ "უსაფრთხოების ატმოსფერო შეცვალა".

ფინეთის საგარეო საქმეთა მინისტრმა ასევე დასძინა, რომ "ატომური და ქიმიური იარაღის შესახებ თავისუფალ მოლაპარაკებებზე" შეშფოთება არსებობს, რამაც, მისი თქმით, მსოფლიო ცივი ომის დროს "კუბის კრიზისში" დააბრუნა.

„დიახ, ჩვენ ძლიერი, ტრადიციული არმია გვყავს. ჩვენ გვაქვს F-35-ები და ა.შ. მაგრამ რა მოხდება, თუ არატრადიციული იარაღით დაგვემუქრებიან?" - დასძინა ჰაავისტომ.