ნორვეგიის პრემიერ-მინისტრი - ვოლოდიმირ ზელენსკის სურს ნორვეგიისგან უკრაინაში გაზის მიწოდების საკითხი განიხილოს

ნორვეგიის პრემიერ-მინისტრი იონას გარ შტორე აცხადებს, რომ უკრაინის პრეზიდენტ ვოლოდიმირ ზელენსკის სურს ნორვეგიისგან უკრაინაში გაზის მიწოდების საკითხი განიხილოს,- ამის შესახებ ნორვეგიის პრემიერმა კიევში გამართული პრესკონფერენციის დროს განაცხადა. პრემიერმა აღნიშნა, რომ აუცილებლად გამართავს შეხვედრებს იმ კომპანიებთან, რომლებიც, ნორვეგიული გაზის მოპოვებითა და მსოფლიოს მასშტაბით ექსპორტით არიან დაკავებულნი.

”ომის დაწყების შემდეგ და მას შემდეგ, რაც რუსეთმა შეწყვიტა გაზის მიწოდება, ჩემი ბევრი ევროპელი კოლეგა პირველ რიგში კითხულობს: შეასრულებს თუ არა ნორვეგია ვალდებულებებს? და ჩემი პასუხია, დიახ! შეუძლია თუ არა ნორვეგიას გაზარდოს წარმოება? პასუხი არის ის, რომ ჩვენ ჩვენს მაქსიმუმს ვაწარმოებთ. ჩვენ ყველაფერს გავაკეთებთ, რომ შევინარჩუნოთ გაზის მიწოდება ევროპაში“, - აღნიშნა მან.

ამასთან, ნორვეგიის პრემიერ-მინისტრმა უკრაინის მხარდასაჭერად დამატებით 1 მილიარდი ევროს გამოყოფის პირობა დადო.

როგორც შტორემ განაცხადა, აღნიშნული თანხა გაჭირვებაში მყოფი უკრაინელი ხალხის დასახმარებლად, თავის დასაცავად და რეკონსტრუქციისთვის არის განკუთვნილი.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 30.05.2024
Samsung წარმოგიდგენთ პრემიუმ Bespoke French Door მაცივარს
„ბრიტანულ-ქართული აკადემიის“ დამფუძნებელი პარტნიორი ნათია ჯანაშია „საქართველოს კაპიტალთან“ დადებული ხელშეკრულებიდან გადის
2024 წლის ახალი ტოიოტა ლენდ კრუიზერ პრადო - სულ მალე საქართველოში