"ჩვენ, უბრალოდ ხალხმა უნდა ვირწმუნოთ, რომ გამარჯვება შეგვიძლია. "ქართულ ოცნებას" უნდა რწმენის გატეხვა, რომ შეგვიძლია, ევროკავშირისკენაც წავიდეთ და გავიმარჯვოთ”,- ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა.

როგორც ვაშაძე განმარტავს, სანამ ჩვენ დავიჯერებთ ჩვენს ძალებს, ვერ მოგვერევიან, ვერ აიცილებენ ევროპული ინტეგრაცის გზას.

„ბანდიტებს ახვედრებენ ხალხს, მწერლებს და საზოგადო მოღვაწეებს უვარდებიან, იმიტომ რომ ჩვენი გულწრფელი რწმენა უნდათ გატეხონ. ის რწმენა, რომელიც ჩანდა 20-ში, ჩანდა 24-ში უნდათ რომ შებღალონ.

უნდათ შინაგანი თავდაჯერებულობის გატეხვა, რომ სამშობლო უპირველეს ყოვლისა. ამიტომ, ჩვენ მზადვართ, რომ შევიკრიბოთ მშვიდობიანად, ხელი გავუწოდოთ ერთმანეთს.

ამერიკის საელჩოში რატომ იძალადეს? ამ რწმენის გასტეხად იძალადეს. რატომ მიუვარდნენ ვისაც მიუვარდნენ? - ამ რწმენის გასატეხად მიუვარდნენ. ამიტომ სანამ ჩვენ დავიჯერებთ ჩვენს ძალებს ესენი ვერ მოგვერევიან და ვერც ერთ შემთხვევაში ვერ აიცილებენ ევროპული ინტეგრაცის გზას" , - აღნიშნავს გიორგი ვაშაძე.