რუსეთის ქალაქ ბელგოროდში, რამდენიმე აფეთქება მოხდა, არის მსხვერპლი

უკრაინის საზღვართან ახლოს მდებარე რუსეთის ქალაქ ბელგოროდში, რამდენიმე აფეთქება მოხდა, რის შედეგადაც სულ მცირე სამი ადამიანი დაიღუპა. ამის შესახებ ინფორმაციას ქალაქის გუბერნატორი ვიაჩესლავ გლადკოვი „ტელეგრამის“ საკუთარ არხზე ავრცელებს.

დაზიანდა თერთმეტი საცხოვრებელი კორპუსი და 39 კერძო სახლი, მათ შორის ხუთი დაინგრა.

გლადკოვის თქმით, სულ მცირე ოთხი ადამიანი დაშავდა, ორი კი საავადმყოფოში გადაიყვანეს, მათ შორის 10 წლის ბიჭი.

„მიმდინარეობს გამოძიბა ინციდენტის გამომწვევ მიზეზებზე. სავარაუდოდ, საჰაერო თავდაცვის სისტემამ იმუშავა“ , - განაცხადა გუბერნატორმა.

დასავლური მედიის ცნობით, უკრაინული მხარე აღნიშნულ შემთხვევას, ამ ეტაპზე, არ გამოხმაურებია.

ცნობისთვის, მას შემდეგ, რაც რუსეთი 24 თებერვალს უკრაინაში შეიჭრა, მრავალი ცნობა გავრცელდა რუსეთის ქალაქ ბელგოროდსა და უკრაინის მოსაზღვრე სხვა რეგიონებზე თავდასხმების შესახებ, რა დროსაც ოფიციალური მოსკოვი კიევს თავდასხმების განხორციელებაში ადანაშაულებდა. აღსანიშნავია, რომ უკრაინას არ აუღია პასუხისმგებლობა წინა თავდასხმებზე, თუმცა ინციდენტებს რუსეთის შეჭრის ანაზღაურება და „კარმა“ უწოდა.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 30.05.2024
Samsung წარმოგიდგენთ პრემიუმ Bespoke French Door მაცივარს
„ბრიტანულ-ქართული აკადემიის“ დამფუძნებელი პარტნიორი ნათია ჯანაშია „საქართველოს კაპიტალთან“ დადებული ხელშეკრულებიდან გადის
2024 წლის ახალი ტოიოტა ლენდ კრუიზერ პრადო - სულ მალე საქართველოში