ანა დოლიძე - ევროკომისიის მოთხოვნების შესრულებაზე პასუხისმგებლობა ხალხმა უნდა აიღოს - ახლა ბურთი ნამდვილად ჩვენს მოედანზეა

მუდმივად უნდა ვაჩვენოთ, რომ ბევრნი ვართ, ვისაც ევროპული მომავალი გვინდა. ახლა ბურთი ნამდვილად ჩვენს მოედანზეა, - ამის შესახებ „ხალხის პარტიის“ ლიდერმა ანა დოლიძემ ჟურნალისტებს რუსთაველის გამზირზე განუცხადა, სადაც აქცია „წინ ევროპისკენ“ მიმდინარეობს.

როგორც ანა დოლიძე განმარტავს, ევროკომისიის 12 მოთხოვნის შესრულებაზე პასუხისმგებლობა ხალხმა უნდა აიღოს.

„ძალიან მნიშვნელოვანია, რომ ხალხმა, მათ შორის აქ მოსვლით დააფიქსიროს საკუთარი უკმაყოფილება და საკუთარი ევროპული ორიენტაცია. რუსულმა საინფორმაციო ომმა და საინფორმაციო ოპერაციებმა აქ არ უნდა იმუშაოს. მუდმივად უნდა ვაჩვენოთ, რომ ბევრნი ვართ, ვისაც ევროპული მომავალი გვინდა. ახლა ბურთი ნამდვილად ჩვენს მოედანზეა. ფიზიკურად ღარიბაშვილი დარჩება, თუ არ დარჩება, არ არის მნიშვნელოვანი, ამ რეფორმებზე პასუხისმგებლობა ხალხმა უნდა აიღოს. სამუშაო ჯგუფები, არასამთავრობო ორგანიზაციები, პარტიები - ფართო ფორმატის მუშაობა უნდა იყოს. უკვე დავინახეთ, რომ მთავრობა კინაღამ ჩაიჭრა იმ გამოცდაში, რომელიც განსაზღვრავს ჩვენი და ჩვენი შვილების მომავალს“, - აღნიშნავს ანა დოლიძე.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა