სულ მცირე, ექვსი ადამიანი დაიღუპა იტალიის ალპებში რეკორდულად მაღალი ტემპერატურის გამო, მყინვარის ჩამოშლის შედეგად.ამის შესახებ ადგილობრივი მედია იუწყება.

ზვავი მარმოლადეს მთიდან ჩამოწვა, რომლის სიმაღლე 3 300 მეტრზე მეტია და აღმოსავლეთ იტალიის ალპებში, ტრენტოსა და ვენეტოს რეგიონებს შორის მდებარეობს.

ნგრევის შედეგად რვა ადამიანი დაშავდა, ათამდე კი დაკარგულად ითვლება.

დაჭრილები ქალაქ ბელუნოს, ტრევიზოს, ტრენტოსა და ბოლზანოს ახლომდებარე საავადმყოფოებში გადაიყვანეს.

ადგილობრივი ხელისუფლების ცნობით, იტალიაში ზაფხულის დასაწყისში, სიცხის გამო, შაბათს მარმოლადაში ტემპერატურამ 10 გრადუს ცელსიუსს მიაღწია.