პარლამენტის შენობის მიმდებარე ტერიტორიიდან აქციის „შინ ევროპისკენ“ მონაწილეებმა მთავრობის ადმინისტრაციასთან გადაინაცვლეს, სადაც ღამეს გაათენებენ.

აქციების ერთ-ერთი ორგანიზატორის შოთა დიღმელაშვილის ინფორმაციით, 4 ივლისს, მთავრობის ადმინისტრაციაში სხდომაა დაგეგმილი, რომელსაც დილიდან ხმაურით უნდა შეხვდნენ.

,,მთავრობის სხდომა იმართება ორშაბათს, დილით კანცელარიაში. ამიტომ მივიდეთ და გავაგონოთ ჩვენი ხმა. ჩვენ მთელი ღამით ვიქნებით დაბანაკებული, შეგიძლია თქვენც შემოგვიერთდეთ. ყველამ ერთად ჩავაბაროთ ეროვნული გამოცდა”, - აღნიშნა შოთა დიღმელაშვილმა.

ცნობისთვის, საქართველოს პარლამენტის შენობასთან სამოქალაქო საზოგადოების ორგანიზებით აქცია - ,,შინ ევროპისკენ” 20:00 საათზე დაიწყო.