ირაკლი კობახიძე - დიტო სამხარაძემ საზოგადოების წინაშე მოიხადა ბოდიში და ამით ყველაფერი ნათქვამია

დიტო სამხარაძემ საზოგადოების წინაშე მოიხადა ბოდიში და ამით ყველაფერი ნათქვამია, - ასე შეაფასა „ქართული ოცნების“ თავმჯდომარე ირაკლი კობახიძემ, უმრავლესობის წევრის, დიმიტრი სამხარაძის მიერ აქციის მონაწილეებისა და პერსონალურად მიხეილ სააკაშვილის მიმართ გაკეთებული უცენზურო გამონათქვამები.

მისი თქმით, უხამსი სიტყვების გამოყენება და უხამსობა „ნაციონალური მოძრაობის“ და მისი მედიასაშუალებების ერთ-ერთი პიარული ხაზია.

„დიტო სამხარაძემ თვითონ გააკეთა განცხადება ამასთან დაკავშირებით. მან საზოგადოების წინაშე მოიხადა ბოდიში და ამით ყველაფერია ნათქვამი. ჩვენი დამოკიდებულება ამ ყველაფრის მიმართ, გამოხატვის ფორმების მიმართ არის ცნობილი და ჩვენ ყოველთვის ამაზე ვაპელირებდით, თუმცა, რაც შეეხება უხამსი სიტყვების გამოყენებას და უხამსობას, მათ შორის, ტელეეთერებში, ეს არის ამ პოლიტიკური ძალის, „ნაციონალური მოძრაობის“ და მისი მედიასაშუალებების ერთ-ერთი პიარული ხაზი. ჩვენ ამ ხაზს ყოველთვის ვაპროტესტებდით წლების მანძილზე, განსაკუთრებით 2018 წლის შემდეგ, თუმცა ამ პროტესტს არავითარი რეაგირება არ მოჰყოლია. კიდევ ერთხელ ვიტყვი, რომ ნებისმიერი უხამსობა, ბილწსიტყვაობა და მითუმეტეს, ამის ჩვეულებრივ მოვლენად ქცევა, ეს არის ქვეყნის საწინააღმდეგოდ მიმართული და ამას აკეთებთ თქვენ, თქვენი პარტია და ტელევიზიები“, - განაცხადა კობახიძემ.

ცნობისთვის, „ქართული ოცნების" დეპუტატმა დიმიტრი სამხარაძემ პარტიის ცენტრალურ ოფისთან მისულ აქციის მონაწილეებსა და პერსონალურად მიხეილ სააკაშვილის უხამსი სიტყვებით მიმართა. შესაბამისი ვიდეო მან სოციალურ ქსელში ატვირთა, მოგვიანებით კი წაშალა. მანამდე მან Facebook-ზე დაწერა: „10 კაცი ვართ ოფისში! გელოდებით დორბლიანის მონებს“.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?