ოფიციალური პირების ინფორმაციით, ჩიკაგოს მახლობლად, აშშ-ის დამოუკიდებლობის დღისადმი მიძღვნილი აღლუმის დროს, ხუთი ადამიანი მოკლეს. აღნიშნულის შესახებ ინფორმაცია დასავლურ მედიაში ვრცელდება.

მედიის ცნობით, ღონისძიება, რომელიც ჰაილენდ პარკში, ჩიკაგოს გარეუბანში მიმდინარეობდა, დაწყებიდან დაახლოებით 10 წუთის შემდეგ მოულოდნელად შეჩერდა, როდესაც რამდენიმე გასროლის ხმა გაისმა.

ადგილობრივი ხელისუფლების ინფორმაციით, შემთხვევის შედეგად 16 ადამიანი ჰოსპიტალიზებულია.

ოფიციალურმა პირმა განაცხადა, რომ ფესტივალი გაუქმდა და ადგილობრივ მოსახლეობას მოუწოდა, რომ ქალაქის ცენტრში გასვლას თავი აარიდონ.