პროკურატურა ბათუმში, საცხოვრებელი კორპუსის ჩამონგრევის ფაქტზე დაკავებული 3 პირის დამნაშავედ ცნობასთან დაკავშირებით ინფორმაციას ავრცელებს

საქართველოს პროკურატურა ბათუმში, საცხოვრებელი კორპუსის ჩამონგრევის ფაქტზე დაკავებული სამი პირის დამნაშავედ ცნობასთან დაკავშირებით ინფორმაციას ავრცელებს.

პროკურატურის ინფორმაციით, ბრალდების მხარის მიერ სასამართლო პროცესზე წარდგენილი მტკიცებულებებით დადასტურდა, რომ ზაურ ბუდაგოვი ქ.ბათუმში, მის საკუთრებაში არსებულ საცხოვრებელ ბინებში სამშენებლო-სარეკონსტრუქციო სამუშაოების, მათ შორის როგორც მზიდი, ასევე არამზიდი კედლების მოშლის თაობაზე შეუთანხმდა ხუსეინ სურმანიძესა და გიორგი სურმანიძეს. 2021 წლის 8 ოქტომბრამდე ხუსეინ და გიორგი სურმანიძეებმა დამკვეთთან შეთანხმებით და მისი ზედამხედველობით, სამშენებლო სამუშაოების წარმოების უსაფრთხოების წესების დარღვევით, სახელმწიფოსაგან ყოველგვარი ნებართვის გარეშე, მოშალეს როგორც მზიდი, ასევე არამზიდი კონსტრუქცია (კედლები), რითაც საცხოვრებელი კორპუსის სიმტკიცე და მდგრადობა დაირღვა. ბრალდებულების მიერ ჩადენილმა ქმედებამ შვიდსართულიანი საცხოვრებელი კორპუსის სადარბაზოს ნგრევა გამოიწვია, რასაც კორპუსში მყოფი 9 პირის, მათ შორის სამი არასრულწლოვნის სიცოცხლის მოსპობა მოჰყვა, ხოლო ორმა პირმა ჯანმრთელობის მძიმე და ნაკლებად მძიმე ხარისხის დაზიანება მიიღო. ასევე, განადგურდა და დაზიანდა კორპუსში მცხოვრები მოქალაქეების უძრავი და მოძრავი ქონება.

,,სამართალდამცველებმა სამივე ბრალდებული 8 ოქტომბერს დააკავეს. ხუსეინ და გიორგი სურმანიძეებს ბრალდება საქართველოს სისხლის სამართლის კოდექსის 116-ე მუხლის მეორე ნაწილით, 124-ე მუხლით და 188-ე მუხლის პირველი ნაწილით, ხოლო ზაურ ბუდაგოვს 240-ე მუხლის პირველი და მეორე ნაწილებით წარედგინათ.

ბათუმის საქალაქო სასამართლომ სამივე ბრალდებული სრულად ცნო დამნაშავედ წარდგენილ ბრალდებებში და ზაურ ბუდაგოვს 4 წლით, ხოლო ხუსეინ და გიორგი სურმანიძეებს 3-3 წლით თავისუფლების აღკვეთა განუსაზღვრა. ბრალდების მხარე სასამართლოს გადაწყვეტილებას დანიშნული სასჯელების ნაწილში სააპელაციო სასამართლოში გაასაჩივრებს“, - ნათქვამია ინფორმაციაში.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი