ანა ნაცვლიშვილი - ვმუშაობთ რიგგარეშე სესიის დღის წესრიგზე - პარლამენტი არათუ დასასვენებლად არ უნდა იყოს წასული, არამედ ერთ წუთსაც არ უნდა ვკარგავდეთ

ძალიან კარგი, საქმიანი შეხვედრა იყო, ვსაუბრობდით კონკრეტულად რა არის გასაკეთებელი, რომ 12 პუნქტი რეალურად შესრულდეს და ამ შესრულებამ მიიყვანოს საქართველოდ დასახულ მიზანთან, რასაც მოითხოვს ქართველი ხალხი, - ამის შესახებ „ლელოს“ ერთ-ერთმა ლიდერმა, ანა ნაცვლიშვილმა არასამთავრობო ორგანიზაციებთან შეხვედრის შემდეგ განაცხადა.

როგორც ანა ნაცვლიშვილი ამბობს, ევროკავშირის 12 პუნქტის საკითხების ირგვლივ ძალიან დიდი კონსენსუსია და ახლა მუშაობა რიგგარეშე სესიის დღის წესრიგზე მიმდინარეობს.

„საკითხების ირგვლივ არსებობს ძალიან დიდი კონსენსუსი და ჩვენ ახლა ვმუშაობთ რიგგარეშე სესიის დღის წესრიგზე იმიტომ, რომ არათუ ახლა პარლამენტი დასასვენებლად არ უნდა იყოს წასული, არამედ ერთ წუთსაც არ უნდა ვკარგავდეთ და ამისთვის რიგგარეშე სესია აუცილებელია. ხელისუფლების გეგმა გულისხმობს, რომ სექტემბერში, ოქტომბერში, ნოემბერში ან როცა იქნება, რაღაც გაკეთდეს, თან შინაარსი მათ არ უთქვამთ, მათ მხოლოდ ფორმალური ფორმატები მიაჩნიათ ამისთვის საკმარისად, მაგრამ ყველასთვის ნათელი და გასაგებია, რომ შინაარსის გარეშე რეფორმები არ არსებობს. ჩვენ ახლა ვმუშაობთ რიგგარეშე სესიის დღის წესრიგზე და როგორც კი დღის წესრიგი იქნება, საზოგადოებას მივაწვდით ისევე, როგორც პირებს, რომელთაც სესიაში მონაწილეობა უნდა მიიღონ“, - განაცხადა ანა ნაცვლიშვილმა.

ცნობისთვის, საპარლამენტო ოპოზიცია საქართველოსთვის ევროკავშირის მიერ დადგენილი 12-პუნქტიანი რეკომენდაციების შესრულების გეგმასთან დაკავშირებით არასამთავრობო ორგანიზაციებს ხვდება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024