უკრაინულმა ძალებმა ომის დაწყებიდან 36 500 რუსი სამხედრო მოკლეს

ომის დაწყებიდან უკრაინელებმა 36 500 რუსი სამხედროს განეიტრალება შეძლეს. ინფორმაციას უკრაინის შეიარაღებული ძალების გენერალური შტაბი ავრცელებს.

უწყების ცნობით, უკრაინულმა მხარემ რუსული ძალების სხვადასხვა სახის ტექნიკა გაანადგურა.

„უკრაინელმა დამცველებმა გაანადგურეს: 1600 ტანკი, 3789 ჯავშანტექნიკა, 812 ერთეული საარტილერიო სისტემა, 247 ერთეული მრავალჯერადი სარაკეტო სისტემა, 107 ერთეული საჰაერო თავდაცვის სისტემა, 217 საბრძოლო თვითმფრინავი, 187 ვერტმფრენი, 664 ოპერატიულ-ტაქტიკური დონის უპილოტო საფრენი აპარატი, 15 გემი/ნავი, 2648 სხვადასხვა ავტომობილი და ტანკერი, 65 ერთეული სპეცტექნიკა და 153 ფრთოსანი რაკეტა", - აცხადებენ უკრაინის გენშტაბში.