კახა კალაძე - ოპოზიციურ პარტიებს არავითარი სურვილი არ აქვთ იმისა, რომ პოლარიზაცია დასრულდეს, ქვეყანაში მშვიდობამ დაისადგუროს
თბილისის მერის კახა კალაძის განცხადებით, საქართველოში ხელისუფლების ცვლილების საკითხი 2024 წელს, არჩევნების გზით გადაწყდება.
როგორც მან ჟურნალისტებს განუცხადა, ხალხმა უნდა გადაწყვიტოს, უნდა „ქართული ოცნება“ შეინარჩუნოს ხელისუფლებაში თუ არა.
„ოპოზიციურ პარტიებს არავითარი სურვილი არ აქვთ იმისა, რომ პოლარიზაცია დასრულდეს, ქვეყანაში მშვიდობამ დაისადგუროს, სწორად განვითარდეს ქვეყანა, სადაც ხელისუფლებაც და ოპოზიციაც ჩართული იქნება სხვადასხვა კონკრეტული პრობლემების გადაჭრაში. შეიძლება ყველა საკითხზე ერთნაირი მოსაზრებები არ გვქონდეს, აზრთა სხვადასხვაობა გვქონდეს, მაგრამ ეს ჯანსაღი, კონსტრუქციული იყოს და არა ისეთი, რასაც ვხედავთ და ვისმენთ. ვისმენთ განცხადებებს იმასთან დაკავშირებითაც, რომ ეს ტექნიკური მთავრობის თემა არის სრული სისულელე. ჩვენი თუ არ სჯერათ, ევროპელი, დასავლელი პარტნიორებიც მიუთითებენ ამაზეც. საქართველოს დღეს ჰყავს მთავრობა, რომელიც ჩვენი ქვეყნის მოსახლეობის უმრავლესობამ აირჩია. ამ ქვეყანაში ხელისუფლების ცვლილება არჩევნების გზით მოხდება და ამას ხალხი გადაწყვეტს, თუ უნდა „ქართული ოცნება“ შეინარჩუნოს ხელისუფლებაში. 2024 წელს იქნება საპარლამენტო არჩევნები და ჩვენი ქვეყნის მოსახლეობის უმრავლესობა გადაწყვეტილებას მიიღებს“,-განაცხადა კალაძემ.
