შარლ მიშელი - უკრაინის, მოლდოვისა და საქართველოს ხალხის მომავალი ევროკავშირშია - მზად ვართ, მივანიჭოთ საქართველოს კანდიდატის სტატუსი, როგორც კი კომისიის დასკვნაში წარმოდგენილი პრიორიტეტები მოგვარდება

ევროპული საბჭოს პრეზიდენტის, შარლ მიშელის განცხადებით, გასულ კვირას ევროკავშირის ლიდერებმა რამდენიმე მნიშვნელოვანი გეოპოლიტიკური გადაწყვეტილება მიიღეს, მათ შორის იყო უკრაინის, მოლდოვისა და საქართველოს ევროპული პერსპექტივის აღიარება.

მისი თქმით, „კრემლის ბარბაროსულმა ომმა უკრაინის წინააღმდეგ ახალი გეოპოლიტიკური რეალობა შექმნა”.

„გასულ კვირას, ევროკავშირის 27 ლიდერთან ერთად, მივიღეთ მთელი რიგი მნიშვნელოვანი გეოპოლიტიკური გადაწყვეტილებები. პირველ რიგში, ჩვენ გადავწყვიტეთ, გვეღიარებინა უკრაინის, მოლდოვისა და საქართველოს ევროპული პერსპექტივა. ამ ქვეყნების და მათი ხალხის მომავალი ევროკავშირშია“, - აღნიშნა შარლ მიშელმა ევროპარლამენტის პლენარულ სხდომაზე.

მისი თქმით, მეორე მნიშვნელოვანი გადაწყვეტილება, რაც ევროკავშირმა მიიღო, უკრაინისა და მოლდოვისთვის კანდიდატის სტატუსის მინიჭება იყო.

„ჩვენ ასევე გადავწყვიტეთ უკრაინისა და მოლდოვისთვის კანდიდატის სტატუსი მიგვენიჭებია. ეს ძლიერ გზავნილს უგზავნის მათ ხალხს და ევროკავშირის მოქალაქეებს. ჩვენ ასევე მზად ვართ, მივანიჭოთ საქართველოს კანდიდატის სტატუსი, როგორც კი კომისიის დასკვნაში წარმოდგენილი პრიორიტეტები მოგვარდება“, - დასძინა მიშელმა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის