დიდი ბრიტანეთის პრემიერ-მინისტრმა ბორის ჯონსონმა თემთა პალატაში გამოსვლისას განაცხადა, რომ არ აპირებს, გადადგეს მთავრობის მეთაურის პოსტიდან. ამის შესახებ BBC-ი იუწყება.

"პრემიერ-მინისტრის მუშაობა რთულ ვითარებაში, როდესაც მან მიიღო უზარმაზარი მანდატი, არის გააგრძელოს წინსვლა და მე ამას გავაკეთებ", - განაცხადა ჯონსონმა კითხვაზე, აპირებს თუ არა ნებაყოფლობით გადადგომას.

კითხვაზე, მაინც რა პირობებში გადადგამს "კონსერვატიული პარტიის" ლიდერი მსგავს ნაბიჯს, მან უპასუხა: „ცხადია, გარემოებების არსებობის შემთხვევაში, რომლებშიც შეუძლებლად მივიჩნევდი ხელისუფლების მუშაობის გაგრძელებას და ჩვენთვის დაკისრებული მანდატის შესრულებას".

როგორც მედია წერს, ბოლო ინფორმაციით, ხელისუფლების წარმომადგენელთა რაოდენობამ, ვინც ჯონსონის მთავრობა პროტესტის ნიშნად დატოვა, 35-ს მიაღწია.