ირაკლი ბერაია რუმინეთის ეროვნული თავდაცვის სამინისტროს სახელმწიფო მდივანს შეხვდა

ბუქარესტში ვიზიტად მყოფი საპარლამენტო დელეგაცია, რომელსაც თავდაცვისა და უშიშროების კომიტეტის თავმჯდომარე ირაკლი ბერაია ხელმძღვანელობს, რუმინეთის ეროვნული თავდაცვის სამინისტროს სახელმწიფო მდივანს სიმონა კოჯოკარუს შეხვდა.

მხარეებმა ისაუბრეს ორ ქვეყანას შორის თავდაცვის სფეროში თანამშრომლობაზე და აღნიშნეს ამ მიმართულებით მიღწეული პროგრესი.

„შეხვედრაზე განსაკუთრებული ყურადღება დაეთმო ნატო-საქართველოს პარტნიორობის, საქართველოს ევრო-ატლანტიკური მისწრაფების, უკრაინაის წინააღმდეგ რუსეთის სამხედრო აგრესიის და აღნიშნულის შავი ზღვის რეგიონის უსაფრთხობაზე გავლენის განხილვას. თავდაცვის უწყების მაღალი რანგის წარმომადგენელმა ხაზი გაუსვა საქართველოს სუვერენიტეტის, ტერიტორიული მთლიანობის, ნატო-სა და ევროკავშირში ინტეგრაციის ურყევ მხარდაჭერას რუმინეთის მხრიდან. მხარეების მიერ აღინიშნა თავდაცვის სფეროში ორმხრივ და მრავალმხრივ ფორმატებში თანამშრომლობის შემდგომი გაღრმავების მნიშვნელობა”,- ნათქვამია პარლამენტის მიერ გავრცელებულ ინფორმაციაში.

ქართული მხრიდან შეხვედრაში მონაწილეობდნენ: თავდაცვისა და უშიშროების კომიტეტის თავმჯდომარის მოადგილე ვლადიმერ ჩაჩიბაია, საგარეო ურთიერთობათა კომიტეტის თავმჯდომარის მოადგილე დავით ზილფიმიანი, რუმინეთში საქართველოს საგანგებო და სრულუფლებიანი ელჩი ნიკოლოზ ნიკოლოზიშვილი, თავდაცვის ატაშე, პოლკოვნიკი ზურაბ ხუროშვილი და საელჩოს უფროსი მრჩეველი, ეკატერინე დუგლაძე.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო