საგარეო ურთიერთობათა კომიტეტის წარმომადგენლები ესპანეთის სამეფოს კონგრესის საგარეო საქმეთა კომიტეტის თავმჯდომარეს და დელეგაციის წევრებს შეხვდნენ

საგარეო ურთიერთობათა კომიტეტის თავმჯდომარე, ნიკოლოზ სამხარაძე, კომიტეტის წევრებთან ერთად, საქართველოში ვიზიტად მყოფ ესპანეთის სამეფოს კონგრესის (ქვედა პალატის) საგარეო საქმეთა კომიტეტის თავმჯდომარეს, პაუ მარი-კლოსეს და დელეგაციის წევრებს შეხვდა. ამის შესახებ ინფორმაციას საქართველოს პარლამენტის პრესსამსახური ავრცელებს.

მათი ცნობით, მხარეებმა საქართველო-ესპანეთს შორის არსებულ ურთიერთობებსა და სამომავლო პერსპექტივებზე ისაუბრეს. განხილვის მთავარი თემა იყო ევროკავშირის მიერ საქართველოსთვის კანდიდატის სტატუსის მისანიჭებლად დადგენილი 12 პუნქტიანი რეკომენდაციების შესრულების საკითხები. ასევე, საქართველოს ნატო-ში გაწევრიანება და მადრიდის სამიტის შედეგები.

შეხვედრისას საუბრის თემას წარმოადგენდა ასევე, ქვეყანაში მიმდინარე პროცესები.

„ჩვენს ესპანელ მეგობრებთან ძალიან საინტერესო და ღია საუბარი შედგა. განხილვის ძირითადი საკითხი იყო საქართველოს ევროკავშირში წევრობის განაცხადი და კანდიდატის სტატუსის მისაღებად გადასადგმელი ნაბიჯები. ჩვენ მათ ვესაუბრეთ იმედგაცრუებაზე, რომელიც ევროპული საბჭოს გადაწყვეტილებამ პირობების შესრულების შემდეგ სტატუსის მინიჭებასთან დაკავშირებით გამოიწვია. დელეგაცია, რომელსაც ჩვენ შევხვდით, შედგება ესპანეთის პარლამენტში არსებული ყველა პოლიტიკური პარტიისგან და ძალიან სასიამოვნო, იყო რომ თითოეული პარტიის წარმომადგენელმა ძალიან მკაფიოდ და აქტიურად დაგვიჭირა მხარი. შეხვედრისას ესპანელი კოლეგების მიერ აღინიშნა, რომ მათთვისაც გაუგებარი იყო თუ რატომ მოხდა ამ სამი ქვეყნის დიფერენცირება. მათ ცალსახად დააფიქსირეს მოსაზრება იმის თაობაზე, რომ საქართველო უსწრებს მოლდოვასა და უკრაინას და გთხოვეს, რომ დამატებითი ძალისხმევა გავწიოთ ამ ექვსი თვის განმავლობაში, ვაჩვენოთ პოზიტიური სიგნალები, რომ შემდგომ არავის მოუნდეს უარყოფითი გადაწყვეტილების მიღება", - განაცხადა ნიკოლოზ სამხარაძემ.

შეხვედრაში საგარეო ურთიერთობათა კომიტეტის თავმჯდომარესთან ერთად, კომიტეტის წევრები მარიამ ლაშხი და გრიგოლ ვაშაძე მონაწილეობდნენ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია