ირაკლი ბერაია რუმინეთის სენატის საგარეო ურთიერთობათა კომიტეტის თავმჯდომარეს შეხვდა

ბუქარესტში ვიზიტად მყოფი საქართველოს პარლამენტის დელეგაცია, ირაკლი ბერაიას ხელმძღვანელობით, რუმინეთის სენატის საგარეო ურთიერთობათა კომიტეტის თავმჯდომარეს, ტიტუს კორლაცეანს შეხვდა. ამის შესახებ ინფორმაციას საქართველოს პარლამენტი ავრცელებს.

მათივე ცნობით, მხარეებმა განიხილეს შავი ზღვის რეგიონში უსაფრთხოების კუთხით არსებული ვითარება, ევროპული და ევრო-ატლანტიკური ინტეგრაციის გზაზე საქართველოს პროგრესი, ორ ქვეყანას შორის ურთიერთობები და მათი შემდგომი გაღრმავების პერსპექტივები. რუმინელი სენატორის მხრიდან ხაზი გაესვა საქართველოს სუვერენიტეტის, ტერიტორიული მთლიანობის, ევროპული და ევრო-ატლნანტიკური ინტეგრაციის მტკიცე მხარდაჭერას. მხარეებმა აღნიშნეს, რომ შავი ზღვის რეგიონის უსაფრთხოების განმტკიცებისთვის განსაკუთრებულ მნიშვნელობას იძენს საქართველოსა და რუმინეთს შორის პარტნიორობის შემდგომი გაღრმავება და გაძლიერება, როგორც ორმხრივ, ასევე მრავალმხრივ ფორმატებში. ქართული მხრიდან შეხვედრას თავდაცვისა და უშიშროების კომიტეტის თავმჯდომარის მოადგილე ვლადიმერ ჩაჩიბაია, საგარეო ურთიერთობათა კომიტეტის თავმჯდომარის მოადგილე დავით ზილფიმიანი და რუმინეთში საქართველოს საგანგებო და სეულუფლებიანი ელჩი ნიკოლოზ ნიკოლოზიშვილი ესწრებოდნენ.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო