აშშ უკრაინისთვის დამატებითი ჰუმანიტარული დახმარების სახით დაახლოებით 368 მლნ დოლარს გამოყოფს
ამერიკის შეერთებული შტატები უკრაინისთვის დამატებითი ჰუმანიტარული დახმარების სახით დაახლოებით, 368 მილიონ დოლარს გამოყოფს. ამის შესახებ ინფორმაციას ამერიკის შეერთებული შტატების სახელმწიფო მდივანი ენტონი ბლინკენი „ტვიტერის“ გვერდზე ავრცელებს.
მისივე განმარტებით, ჰუმანიტარული დახმარება განკუთვნილი იქნება როგორც უკრაინაში მყოფი ადამიანებისთვის, ასევე ლტოლვილებისთვის, რომლებმაც ქვეყანა დატოვეს.
„ჩვენი ერთგულება უკრაინელი ხალხის მიმართ მტკიცეა. ამერიკის შეერთებული შტატები, დაახლოებით, 368 მილიონ დოლარს გამოყოფს დამატებითი ჰუმანიტარული დახმარების სახით ადამიანთა დასახმარებლად როგორც უკრაინის შიგნით, ასევე ლტოლვილთათვის, რომლებიც იძულებულები გახდნენ თავისი ქვეყანა უსაფრთხოების ძიებაში დაეტოვებინათ რუსეთის სასტიკი ომის ფონზე“,- განაცხადა ენტონი ბლინკენმა.
v-if="article.gallery" v-html="article.gallery"
