პორტუგალიაში ტყის ხანძრის შედეგად 29 ადამიანი დაშავდა, - ინფორმაციას Guardian-ი ავრცელებს.

გამოცემის ცნობით, ქვეყნის ხელისუფლებაში აცხადებენ, რომ დაშავებულებს შორის 12 მეხანძრე და 17 მოქალაქეა.

ხანძარს ათობით თვითმფრინავი და 3000-ზე მეტი მეხანძრე ებრძვის.

კვირას, ევროკავშირმა გაააქტიურა ხანძარსაწინააღმდეგო საჰაერო ფლოტის დახმარების პროგრამა, რომელიც წევრ ქვეყნებს პორტუგალიის დასახმარებლად რესურსების გამოყენების საშუალებას აძლევს.

ტყის ხანძრის მიზეზი ძლიერი სიცხეა. სინოპტიკოსების პროგნოზით, უახლოეს დღეებში ჰაერის ტემპერატურა კიდევ უფრო გაიზრდება და 43 გრადუს ცელსიუსს მიაღწევს.