ლევან იოსელიანი - მოსამართლეთა უვადოდ დანიშვნებისას, გარედან ვერც ერთი მოსამართლე ვერ მოხვდა, რაც იმაზე მიუთითებს, რომ სისტემა დაკეტილია - დღეს საშუალება გვაქვს, ამ ყველაფერს წერტილი დავუსვათ

მოსამართლეთა უვადოდ დანიშვნების დროს, სისტემის გარედან ვერც ერთი მისამართლე ვერ მოხვდა - ეს იმაზე მიუთითებს, რომ სასამართლო სისტემა დაკეტილია და ვისაც იურიდიული კარიერის გაკეთება უნდა, ამის საშუალება სასამართლოში არ აქვს, - აღნიშნული შეფასება ჟურნალისტებთან პარლამენტის ვიცე-სპიკერმა ლევან იოსელიანმა გააკეთა.

იოსელიანის თქმით, როცა საქმე სასამართლოს ეხება, მნიშვნელოვანია დეტალურად გვესმოდეს, რა პრობლემები დაგროვდა.

"ყველამ კარგად ვიცით, რომ მოსამართლეები, რომლებიც დაკავებული იყვნენ წინა ხელისუფლების დროს შეკვეთების განხორციელებით, ისინი ახლა მუშაობას არათუ აგრძელებენ, არამედ წახალისებული და დაწინაურებული არიან უზენაეს სასამართლოში. ზოგადად, სისტემაში არის გავლენიანი ადამიანების ჯგუფი, რომელიც საბოლოო ჯამში ბევრ რამეს განაგებს. დღეს საშუალება გვაქვს, ამ ყველაფერს წერტილი დავუსვათ. იუსტიციის უმაღლეს საბჭოს ასეთი ძალაუფლება არ უნდა ჰქონდეს, გადაწყვეტილებები არ უნდა მიიღებოდეს ერთპიროვნულად, იუსტიციის სკოლა უნდა იყოს უფრო გახსნილი, სადაც ყველა შეძლებს მოხვდეს და მოსამართლის კარიერა გაიკეთოს", - განაცხადა ლევან იოსელიანმა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა