აშშ-ის ფინანსთა მინისტრი, ჯანეტ იელენი იაპონიის ფინანსთა მინისტრთან, შუნიჩი სუძუკისთან დღეს დაგეგმილ შეხვედრაზე რუსეთის წინააღმდეგ დასავლეთის სანქციების შემდგომი გაძლიერების გზებს განიხილავს, - ინფორმაციას Reuters-ი ავრცელებს.
სააგენტოს ცნობით, შეხვედრაზე ასევე განიხილება, ფასების შემცირების მიზნით, მიწოდების უფრო ძლიერი ჯაჭვების შექმნის საკითხი.
"არსებობს სხვადასხვა გლობალური პრობლემა. გვსურს მაქსიმალურად გამოვიყენოთ დღევანდელი შეხვედრა, რათა გავაღრმავოთ ჩვენი კოორდინაცია მათ მოსაგვარებლად", - განაცხადა სუძუკიმ ჟურნალისტებთან საუბრისას.
Reuters-ის ინფორმაციით, აშშ-სა და იაპონიის ფინანსთა მინისტრები ასევე ისაუბრებენ რუსული ნავთობის ფასზე ლიმიტის დაწესების საკითხზე, რათა შეიზღუდოს მოსკოვის მოგება და ენერგორესურსებზე ფასები შემცირდეს.