გერმანიის ფინანსთა მინისტრის მოადგილე იორგ კუკისის განცხადებით, გერმანია რუსული ქვანახშირის შესყიდვას 1-ელი აგვისტოდან, ხოლო რუსული ნავთობის ყიდვას 31 დეკემბრიდან მთლიანად შეწყვეტს, რაც ქვეყნის ენერგომომარაგების წყაროს მნიშვნელოვან ცვლილებას ნიშნავს. ამის შესახებ ინფორმაციას Reuters-ი ავრცელებს.
"რამდენიმე კვირაში რუსული ქვანახშირის მიღებას შევწყვეტთ", - განუცხადა კუკისმა სიდნეის ენერგეტიკის ფორუმზე.
მისივე თქმით, ადრე გერმანიის ქვანახშირისა და ნავთობის 40% რუსული იყო.
"ვინც იცის Druzhba-ს მილსადენის ისტორია, რომელიც აღმოსავლეთ ევროპაში საბჭოთა იმპერიის იარაღს წარმოადგენდა, იცის, რომ ამ დამოკიცებულებისგან თავის დაღწევა არ არის ტრივიალური საკითხი, მაგრამ ეს არის ის, რასაც ჩვენ რამდენიმე თვეში მივაღწევთ", - განაცხადა კუკისმა.