სეპარატისტული რეგიონების აღიარების გამო, უკრაინამ ჩრდილოეთ კორეასთან დიპლომატიური ურთიერთობები გაწყვიტა.
ამის შესახებ უკრაინის საგარეო საქმეთა სამინისტრომ განაცხადა.
„ამ გადაწყვეტილებას მივიჩნევთ ფხენიანის მცდელობად ძირი გამოუთხაროს უკრაინის სუვერენიტეტსა და ტერიტორიულ მთლიანობას“, - აღნიშნულია უკრაინის საგარეო უწყების განცხადებაში.
ცნობისთვის, დღეს ჩრდილოეთ კორეამ დონეცკის და ლუგანსკის ე.წ. სახალხო რესპუბლიკების „დამოუკიდებლობა“ ოფიციალურად აღიარა. ის რუსეთისა და სირიის შემდეგ, გაეროს მესამე წევრი ქვეყანა გახდა, რომელმაც პრორუსი სეპარატისტები ლეგიტიმურ ხელისუფლებად ცნო.