ვიტალი კლიჩკო - დღევანდელი შემაშფოთებელი კადრები ვინიცადან არის იმის დასტური, რომ რუსეთი ბარბაროსობას არ შეაჩერებს

დღევანდელი შემაშფოთებელი კადრები ვინიცადან არის იმის დასტური, რომ რუსეთი თავის ბარბაროსობას არ შეაჩერებს, - ასე აფასებს ქალაქ ვინიცაზე მომხდარ თავდასხმას კიევის მერი ვიტალი კლიჩკო.

კლიჩკოს თქმით, საჭიროა რუსეთის წინააღმდეგ სანქციები, მძლავრი იარაღი და ცივილიზებული სამყაროს ერთიანობა.

„რუსი ტერორისტები მშვიდობიანი უკრაინელების წინააღმდეგ გენოციდს გააფთრებით აგრძელებენ. დღევანდელი შემაშფოთებელი კადრები ვინიცადან არის იმის დასტური, რომ რუსეთი თავის ბარბაროსობას არ შეაჩერებს. მხოლოდ დამანგრეველი სანქციები აგრესორის წინააღმდეგ, არანაირი დაშოშმინება! მხოლოდ თანამედროვე და მძლავრი იარაღი უკრაინისთვის და ცივილიზებული სამყაროს პოზიციის ერთიანობა!" - წერს კლიჩკო.

ცნობისთვის, დღეს ქალაქ ვინიცას ცენტრზე რუსული ძალების მიერ სარაკეტო თავდასხმა განხორციელდა, რასაც 20 ადამიანის სიცოცხლე ემსხვერპლა.

თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
ქართული პრესის მიმოხილვა 08.08.2022
კახა ოქრიაშვილი აგვისტოს ომის მე-14 წლისთავთან დაკავშირებით განცხადებას ავრცელებს