უკრაინის ომი გახანგრძლივდება, თუ დიდი ბრიტანეთი კიევისთვის იარაღის მიწოდებას გააგრძელებს. ამის შესახებ გაერთიანებულ სამეფოში რუსეთის ელჩმა ანდრეი კელინმა Sky News-ს განუცხადა.

ელჩის თქმით, დიდი ბრიტანეთის მიერ მიწოდებული იარაღი ახლა აღმოსავლეთ უკრაინის დონბასის რეგიონის მშვიდობიანი მოსახლეობის დასაბომბად გამოიყენება.

“კონფლიქტი შეიძლება მალე დასრულდეს, რადგან დიდი ბრიტანეთი გაიაზრებს, რომ რუსეთზე გამარჯვების შესაძლებლობა არ არსებობს. კონფლიქტი გახანგრძლივდება, თუ დიდი ბრიტანეთი გააგრძელებს იარაღის მიწოდებას, რომელიც ახლა დონბასსა და სხვა რაიონებში, ქალაქებისა და მშვიდობიანი მოსახლეობის დაბომბვისთვის გამოიყენება”, - აღნიშნა რუსეთის ელჩმა.

როგორც კელინმა აღნიშნა, რაც უფრო მეტ იარაღს გაგზავნის დიდი ბრიტანეთი, მით უფრო დიდხანს გააგრძელებს უკრაინის ხელისუფლება კონფლიქტს.