საბერძნეთში სამხედრო აღჭურვილობით დატვირთული თვითმფრინავის ჩამოვარდნის შედეგად რვა ადამიანი დაიღუპა

ჩრდილოეთ საბერძნეთში სატვირთო თვითმფრინავის ჩამოვარდნის შედეგად, ბორტზე მყოფი რვავე პირი დაიღუპა. ინფორმაციას CNN-ი ავრცელებს.

მედიის ცნობით, თვითმფრინავი სერბეთიდან ბანგლადეშში იორდანიის გავლით მიემგზავრებოდა, როდესაც ის საბერძნეთის ქალაქ კავალას მახლობლად ჩამოვარდა. მას სერბული სამხედრო აღჭურვილობა გადაჰქონდა.

სერბეთის თავდაცვის მინისტრის ნებოშა სტეფანოვიჩის განცხადებით, თვითმფრინავს ბანგლადეშში გადაჰქონდა საბძროლო აღჭურვილობა, მათ შორის ასაფეთქებელი მოწყობილობები.

როგორც უკრაინის საგარეო უწყების პრესსპიკერი აცხადებს, ეკიპაჟის გარდაცვლილი რვავე წევრი უკრაინის მოქალაქე იყო.

მისი თქმით, თესალონიკში უკრაინის საკონსულოს მიერ შეიქმნა ოპერატიული შტაბი, სადაც უკრაინის საკონსულოს თანამშრომლები შემთხვევის ადგილზე ადგილობრივ სამაშველო და სამართალდამცავ ჯგუფებთან ერთად მუშაობდნენ.

ავიაკატასტროფის მიზეზად ძრავის გაუმართაობა სახელდება.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის