ევროკავშირი უკრაინისთვის დახმარების მეხუთე ტრანშის გამოყოფაზე შეთანხმდა

ევროკავშირში უკრაინის შეიარაღებისთვის 500 მილიონი ევროს ოდენობის მეხუთე ტრანშის გამოყოფის შესახებ შეთანხმებას მიაღწიეს, - ინფორმაციას უკრაინული მედია ავრცელებს.

„ევროპა აგრძელებს მშვიდობის უზრუნველყოფას და ჩვენი ფასეულობების დაცვას. მივესალმები ევროკავშირის საბჭოს პოლიტიკურ შეთანხმებას უკრაინისთვის მეხუთე ტრანშის გამოყოფის შესახებ. უკრაინის შეიარაღებული ძალების სამხედრო აღჭურვილობისთვის ევროკავშირის მხარდაჭერა ამჟამად 2.5 მილიარდი ევროს შეადგენს“, - წერს ევროპული საბჭოს პრეზიდენტი, შარლ მიშელი „ტვიტერში“.

გადაწყვეტილებას უკრაინის თავდაცვის სამინისტრო ეხმაურება და აცხადებს, რომ სამხედრო აღჭურვილობით ევროკავშირის მხარდაჭერა მნიშვნელოვანი ნაბიჯია ევროპის უსაფრთხოების გასაძლიერებლად.

„რაც უფრო მალე შევაჩერებთ რუს ტერორისტებს, მით უფრო მალე დამყარდება მშვიდობა ევროპაში!“- აღნიშნულია უკრაინის თავდაცვის უწყების განცხადებაში.

ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
ქართული პრესის მიმოხილვა 11.08.2022
გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
საქართველოს უძრავი ქონების პირველად ბაზარზე ფასების ცვლილების დინამიკა 2022 წლის ზაფხული (R)
სს ლიბერთი ბანკის საცალო საბანკო საქმის მიმართულების დირექტორად თორნიკე კორძაია დაინიშნა
USAID-ის პროგრამის ,,დამსაქმებლები პროფესიული განათლებისთვის’’ და  ,,ტრანსფორდის“ ერთობლივი ინიციატივით 43 ადამიანი დასაქმდა