უკრაინის პირველი ლედი ოლენა ზელენსკა აშშ-ის სახელმწიფო მდივანს, ენტონი ბლინკენს ვაშინგტონში შეხვდა.

„მისი პოზიცია იმასთან დაკავშირებით, რომ : „სუვერენული, დამოუკიდებული უკრაინა იარსებებს ბევრად დიდ ხანს, ვიდრე პუტინი“ - უცვლელია“, - წერს ოლენა ზელენსკა „ფეისბუქზე“.

უკრაინის პირველი ლედის ინფორმაციით, ის აშშ-ში პირველი ლედის, ჯილ ბაიდენის მიწვევით იმყოფება.

აშშ-ის წარმომადგენელთა პალატის სპიკერმა, ნენსი პელოსიმ განაცხადა, რომ ოლენა ზელენსკა 20 ივლისს აშშ-ის კონგრესის წინაშე სიტყვით გამოვა.