ევროკავშირი რუსეთის უდიდესი ბანკის „სბერბანკის“ სასანქციო სიაში შეტანას აპირებს.
ამის შესახებ ინფორმაციას „როიტერი“ ავრცელებს და განმარტავს, რომ მისი ცნობები სამუშაო დოკუმენტს ეყრდნობა, რომელიც საინფორმაციო სააგენტოს ხელში ჩაუვარდა.
გამოცემა აცხადებს, რომ უკრაინის წინააღმდეგ ომში ოფიციალური მოსკოვისთვის მხარდაჭერისთვის „შავ სიაში“ ხვდება თუთიისა და სპილენძის გიგანტური კომპანია UMMC.
„როიტერი“ განმარტავს, რომ ახალ სასანქციო სიაში, რომელიც 48 ფიზიკურ პირსა და 9 სუბიექტს აერთიანებს, ასევე შედიან „ღამის მგლების“ ლიდერები, მსახიობები, პოლიტიკოსები, რუსეთის უსაფრთხოების სამსახურის ხელმძღვანელის მოადგილე, სანქცირებული ოლიგარქების ოჯახის წევრები და სამხედრო პირები.