მიხაილო პოდოლიაკის განცხადებით, უკრაინა მარცვლეულის ექსპორტთან დაკავშირებით დოკუმენტს ხელს აწერს არა რუსეთთან, არამედ თურქეთთან და გაეროსთან

უკრაინის პრეზიდენტის ოფისის ხელმძღვანელის მრჩევლის მიხაილო პოდოლიაკის განცხადებით, უკრაინა მარცვლეულის ექსპორტთან დაკავშირებით არანაირ დოკუმენტს არ აწერს ხელს რუსეთთან.

მისი განმარტებით, უკრაინა შეთანხმებას აფორმებს თურქეთთან და გაეროსთან და შესაბამისად, პასუხისმგებლობასაც მათ წინაშე იღებს.

„რაც შეეხება სტამბოლში უკრაინული მარცვლეულის ექსპორტთან დაკავშირებულ შეთანხმებას, უკრაინა ხელს არ აწერს არანაირ დოკუმენტს რუსეთთან. ჩვენ ხელს ვაწერთ შეთანხმებას თურქეთთან და გაეროსთან და და ვიღებთ პასუხისმგებლობას მათ წინაშე. რუსეთი, ასევე, აწერს შეთანხმებას ხელს თურქეთთან და გაეროსთან.

მარცვლეულის ტრანსპორტირების არანაირი ესკორტი რუსული გემების მიერ და არანაირი რუსული წარმომადგებლობა ჩვენს პორტებში. პროვოკაციების შემთხვევაში დაუყოვნებლივი სამხედრო პასუხი.

გემების ნებისმიერი სახის ინსპექცია განხორციელდება ერთობლივი ჯგუფების მიერ თურქეთის ტერიტორიულ წყლებში მსგავსი საჭიროების შემთხვევაში“,- განაცხადა პოდოლიაკმა.

ცნობისთვის, რუსეთის მხრიდან უკრაინული მარცვლეულის ექსპორტთან დაკავშირებით შეთანხმებას თავდაცვის მინისტრი სერგეი შოიგუ აწერს, რომელიც სტამბოლში უკვე გაემგზავრა.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა