ამერიკის შეერთებული შტატები მარცვლეულის ექსპორტზე ბლოკადის მოხსნის მიზნით უკრაინასთან ალტერნატიულ გეგმაზე მუშაობს, მას შემდეგ რაც რუსეთმა ოდესის პორტზე სარაკეტო თავდასხმა განახორციელა. ამის შესახებ ინფორმაციას CNN USAID-ზე დაყრდნობით ავრცელებს.

„ალტერნატიული გეგმა მოიცავს საკუთარ თავში საავტომობილო, სარკინიგზო და მდინარის ტრანსპორტს, ასევე ბარჟების გაგზავნას და სარკინიგზო სისტემის იმგვარად მორგებას, რომ ის შეესაბამებოდეს ევროპულ სისტემას, რათა ექსპორტი უფრო სწრაფად განვითარდეს“,- განაცხადეს USAID-ში.

ამერიკის შეერთებულ შტატებში ამასთან აღნიშნეს, რომ აუცილებელია სხვადასხვა სახის წინასწარ განუსაზღვრელი ვითარების გათვალისწინება, რადგან რუსეთის ნდობა არ შეიძლება.